Wolochn

Der Artikl is im Dialekt Ostestareichisch gschriem worn.

Wolochn
Siedlungsgebiet	Ois Meahheitsbevökarung in Rumänien und Moldawien Ois Mindaheit in da Ukraine, in Buigarien, Ungarn, Griachnlaund, Serbien, Mazedonien, Albanien und Krowotien
Sprochn	Rumänisch im weidan Sinn: Dakorumänisch, Aromunisch/Mazedorumänisch, Meglenorumänisch, Istrorumänisch
Religion	christlich (zmeist orthodox, zan Deu aa katholisch)
Ethnien	Rumänen im weidan Sinn: Dakorumänen, Aromunen/Mazedorumänen, Istrorumänen und Meglenorumänen

Is Vabreitungsgebiet vo de 4 Balkanromanischn (Wolochischen) Sprochn. In de Gegandn außahoib vo Rumänien und Moldawien is de romanischsprochige Bevökarung owa zmeist in da Mindaheit

Da Ausdruck Wolochn (aundare Variationan: Wallachen, Wlachen, Vlachen, Wlachi, Vlasi, Valx, Wallachians, Valachos, Vlachos, Olah, Ulah, Blahoi,Blochen) is a Saummenaum fia romanischsprochige Voiksgruppm in Sidosteiropa, de wos a balkanromanische Sproch redn. Regional wean owar aa slawisiade Ostromanen "Wolochn" gnennd.